TORTA DE QUEIXO

1. Torta de queixo:
Ingredientes:
- Unha tarriña de queixo de untar,
- 3 ovos
- 3 iogures naturais
- 3 culleradas sopeiras de fariña
- 10-12 culleradas de azucre, segundo o punto de dulzor que lle queiras dar.

A preparación da torta de queixo

Acende o forno a 200º para que se quente rápido, xa que a preparación é moi rápida e sinxela.
Nunha cunca mestura todos os ingredientes e báteos ata que quede ben disolto e sen ningún grumo.
Unta o molde con manteiga e verte a mest

Para abrir boca...

Comeza a ter forma o noso material didactico..

Apetece non? 

Unha receita que imos propoñer ao alumnado

Facer pan.

Unha receita que temos pensado desenvolver durante o taller é a de facer pan. A parte de ser o alimento básico das nosas dietas, ten un importante grao de implicación do alumnado, sobre todo cando teñen que  manipular os ingredientes, e máis durante a amasadura. 

Ingredientes:

- 2 kg de fariña

-200g de levadura fresca

- Sal (dúas culleres de café por cada 2 kg de fariña

- 2 litros de auga tibia

Precisamos:

- Vaso medidores

- Bandexas para o forno

- Forno

Elaboración:

1. O docente pídelle ao alumnado que antes de nada limpen as mans, antes de manipular os alimentos.
2.  Separar ao alumnado en grupos de traballo, e colocalos en diferentes mesas.
3. En cada mesa, o docente deixará 500 g de fariña, 40 g de levadura, un prato con sal e medio litro de auga tibia.
4. Con un vaso medidor, cada alumno collerá unha medida de fariña e a colocara diante súa. Coa fariña farán a forma dun volcan, dentro do cal introduciran un pouco de levadura fresca. Tamén botarán un pouco de auga e sal. 
5. Comenzarán a amasar. Se a masa queda moi seca engadímoslle auga. Se queda excesivamente pegadiza engadiremos fariña.
6. Debe quedar unha masa elástica e fácil de traballar.
7. Cando a masa deixe de pegarse as mans, cada alumno/a dará forma a súa masa (como queira), e a deposita na bandexa previamente untada con aceite, para seguidamente metela ao forno.
8. Agardar unha hora como minimo, ate que a masa levede (dobre o seu volume)
9. Cando o forno este a temperatura de 200 ºC, poñemos a masa no forno durante media hora, cun vaso de auga para que provoque vapor.

 fariña + levadura + auga + sal + amasar + reposo + cocion = PAN!

Descubrimento na biblioteca

O outro día, atopamos na biblioteca da facultade de ciencias da educación do campus norte de Santiago de Compostela, un libro que nos vai axudar a realizar a nosa actividade, e queríamos compartilo con vós. 

Trátase dun libro de obradoiros de cociña para escola primaria. Nin máis,nin menos o que necesitabamos. Chámase: Cuinem, tallers de cuina a l' escola (6-12) [cociñamos, talleres de cociña na escola], e o realizaron M. Assumpció Roset, Isabel Puigdueta, Ada Parellada e Blanca Gonzalvo. Foi editado por Graó no 2008 en Barcelona. Como vedes está escrito en catalán pero temos a sorte de ter unha compañeira de Barcelona no noso grupo para calquera dúbida.

A continuación deixamos un par de ligazóns por se queredes mercalo.

En catalán:

 http://www.casadellibro.com/libro-cuinem-tallers-de-cuina-a-l-escola-6-12/9788478276509/1221413 

En castelán:

http://www.alibri.es/cuinem-tallers-de-cuina-a-l-escola-6-12-430229 

De onde nos veu a inspiración

O vídeo realizado na escola Pelouro de Tui que vimos recentemente nunha clase de psicoloxía inspirounos cando nos proxectamos na actividade. 

Vemos como un obradoiro de cociña fomenta unha aprendizaxe constructivista pola multitude de áreas que abarca, como poden ser as matemáticas ou coñecemento do medio, e tamén grazas ao traballo en grupo e á manipulación de alimentos e instrumentos. 

http://vimeo.com/opelouro/entrecapas 

Abrimos o noso blog! 

Aquí poderás atopar as mellores e mais saudabeis recetas de cociña.

O noso blog, será un punto de encontro entre a Educación e a cociña.

As nosas actividades estarán compostas de contidos teóricos, datos de interés e posta en practica en grupos. Tamen se poderan traballar na casa.

Saudos, e a aprender a cociñar!